Kven skal jobbe i framtidskommunen?

Budsjettet er heilag i norske kommunar. Det er det eine dokumentet alle kjenner til, og det er der makta ligg. Når me foreslo å utfordre denne praksisen, var det ikkje akkurat ståande applaus. Men me hadde eit godt argument: Budsjettet me vedtok i desember stemte aldri med verkelegheita i mars.

Me starta med ei avdeling som fekk prøve noko anna. I staden for eit detaljert budsjett med 47 postar fekk dei tre ting: Eit tydeleg mål, ein prognose som vart oppdatert kvar månad, og tillit til å fordele ressursane dit dei gav mest nytte. Resultatet var oppsiktsvekkjande.

Ikkje berre sparte dei pengar - dei brukte pengane betre. Og kanskje viktigast av alt: Leiarane fekk tid til å leie, i staden for å bruke vekene sine på å flytte pengar mellom budsjettpostar.